Qazaqstandyq mánerlep syrǵanaýshy Denıs Tenniń ólimi boıynsha qylmystyq iske qatysy bar sottalýshy bostandyqqa shyqty. Janar Tolybaevanyń jazasynyń ótelmegen bóligi bas bostandyǵyn shekteýge aýystyryldy, dep habarlaıdy Egemen.kz
Sottalýshy Janar Tolybaevanyń qańtarda Qylmystyq kodekstiń 73-baby negizinde jazanyń ótelmegen bóligin neǵurlym jeńil jazaǵa aýystyrý týraly ótinish bergeni belgili boldy.
«Almaty oblysy Ile aýdandyq sotynyń 2020 jylǵy 6 qańtardaǵy qaýlysy boıynsha bul ótinish qanaǵattandyryldy. Jazany óteýdi baqylaý prosesi probasııa qyzmetine júkteldi», delingen habarlamada.
Buǵan deıin Janar Tolybaeva 4 jylǵa bas bostandyǵynan aıyrylǵan bolatyn. Úkim eki jyl buryn 2019 jyldyń 17 qańtarynda shyǵarylǵan edi. Sol jyldyń naýryz aıynda ol Almaty kolonııasynda bosanǵan edi. Bir aptadan soń apellıasııalyq sot alqasy ony eń tómengi qaýipsizdik mekemesine aýystyrǵan edi.
Eske salaıyq, 2018 jyly 19 shildede Almatyda belgisiz bireýler Denıs Tendi pyshaqtap ketken bolatyn. Oqıǵa shamamen 15.00-de Qurmanǵazy men Baıseıitova kósheleriniń qıylysynda bolǵan. Keıin qalalyq IID ókilderi Denıs Tenge avtourylar shabýyl jasaǵanyn málimdedi. Sóıtsek, sportshy urylardyń ústinen túsken bolyp shyqty. Janjal kezinde sportshynyń aıaǵyna pyshaq tıip, kóp qan joǵaltqan. Keıin ol aýrýhanada kóz jumdy.
Aıta keteıik, bul týraly Qazaqstan Joǵarǵy Soty apparatynyń Tengrinews.kz tilshisi joldaǵan resmı saýalǵa bergen jaýabynda aıtylady.