Nur-Sultan qalasy sportshylarynyń aqshalaı qamtylym mólsheri ulǵaıyp, aı saıynǵy tólemaqy alatyn sportshylar sany 84-ten 157-ge deıin artqan. Bul týraly Nur-Sultan qalasy Dene shynyqtyrý jáne sport basqarmasynyń basshysy Samat Erǵalıev Egemen.kz saıtyna bergen suhbatynda aıtyp bredi.
– Nur-Sultan qalasyndaǵy Dene shynyqtyrý jáne sport basqarmasynyń 2020 jyly atqarylǵan jumystarǵa kóńilińiz tola ma? Bul rette basty jetistikter dep qandaı aýqymdy is-sharalardy atar edińiz?
– Áńgimemizdiń basyn qýanyshty jańalyqpen bastaıyn. 2020 jyl eldegi ahýalǵa qaramastan elorda sportshylary úshin tabysty jyl boldy. Nur-Sultan qalasy sportshylarynyń aqshalaı qamtylym mólsheri ulǵaıyp, aı saıynǵy tólemaqy alatyn sportshylar sany 84-ten 157-ge deıin artty. Sport salasyndaǵy oqytýshy-jattyqtyrýshylardyń da eńbekaqysy 2020 jyly 25 paıyzǵa deıin kóterildi. Iаǵnı 2019 jyly 75 myń bolǵan bolsa, 2020 jyly – 93 750 teńgege ósti. Endi 2021 jyly ony 50 paıyzǵa deıin kóterý josparda bar. Eger bári ońynan sheshilse sporttaǵy oqytýshy-jattyqtyrýshylardyń eńbek aqysy 112 500-ǵa kóbeıedi.
Sabaqty ıne sátimen demekshi, bıyl Nur-Sultanda budan ózge de kóptegen aýqymdy jumystar atqaryldy.
– Endeshe solardyń birqataryna jeke-jeke toqtalyp ótseńiz.
Aldymen basqarma jumys júıesin sıfrlandyrý maqsatynda jospar jasalyp, qazirgi tańda «E-sport» biryńǵaı sıfrlyq platformasy iske qosylǵanyn aıta ketken jón. Bul bizdiń jumysymyzdy jedel ári júıeli túrde atqarýǵa septigin tıgizedi. Sonymen qatar osy jyly memlekettik jekeshelik seriktestik aıasynda «Qazaqstan» sport saraıyn jańǵyrtý maqsatynda ekijaqty kelissózder júrgizilip, kelisimshart jasaldy. Al «Jumyspen qamtý 2020» jol kartasy baǵdarlamasy aıasynda «Tolqyn», «Jeńis», «Barys» sport keshenderinde kúrdeli jáne aǵymdaǵy jóndeý jumystary josparly túrde júzege asyryldy. Atalǵan baǵdarlama boıynsha Úrmeli fýtbol manejinde de jóndeý jumystary aıaqtalýǵa jaqyn. Ol týraly jaqynda arnaıy habarlaıtyn bolamyz. Kúni keshe «Astana Arena» stadıonynyń fýtbol alańy da aýystyryldy. 16 qarashada zamanaýı joǵary tehnologııalarmen jabdyqtalǵan Jeńil atletıkalyq sport maneji paıdalanýǵa berildi. Ol jeńil atletıkanyń barlyq baǵytyn damytýǵa, sportshylardyń respýblıkalyq dodalarǵa, halyqaralyq jarystarǵa, álem chempıonattaryna jáne jazǵy Olımpıada oıyndaryna daıyndalýyna jaǵdaı jasaıdy.
Bıyl elordalyq sportshylar úshin tabysty jyl boldy. El chempıonattary men ózge de túrli jarystarda sańlaqtarymyz 1 548 medaldi (574 altyn, 482 kúmis, 492 qola) qanjyǵalaryna baılady. Jergilikti sportshylardyń 25-i «Halyqaralyq dárejedegi sport sheberi», 83-i «sport sheberi», 250-i «sport sheberine kandıdat», 43-i «I-sporttyq razrıad» ataǵyn ıelendi. Jyl qorytyndysy boıynsha sportshylar men jattyqtyrýshylar, sport qyzmetkerleri qala ákimi Altaı Seıdirulynyń alǵys hattarymen arnaıy marapattaldy.
Taǵy bir mańyzdy jańalyq Dene shynyqtyrý jáne sport basqarmasynyń bastamasymen elordalyq sport mektebinde tuńǵysh ret para sport túrinen sledj-hokkeı bólimshesi ashyldy. Bul jankúıerler úshin de, sportsúıer qaýym úshin de 2020 jyldaǵy aıtýly oqıǵalardyń biri boldy. Sondaı-aq múmkindigi shekteýli sportshylarǵa arnalǵan sport mektebine 2 ınvataksı berildi.
Elordamyzda búgingi tańda 11 balalar-jasóspirimder sport mektebi jumysyn jalǵastyrýda. 73 bólimshede 8 032 sportshy sportpen shuǵyldanady. Onyń 57-i olımpıadalyq, 16-sy olımpıadalyq emes, ulttyq jáne múmkindigi shekteýli tulǵalarǵa arnalǵan sport túrlerine jatady. Osy rette aıta keteıik, bas qalamyzda barlyǵy 975 sporttyq nysan jumys istep tur.
Basqarmaǵa baǵynysty 7 mekeme bir ǵımaratqa ornalastyrylyp, eki mekeme sportty damytý dıreksııasy dep qaıta quryldy. Sportshylarǵa tolyqqandy jattyǵý jumysyn júrgizýge arnalǵan qural-jabdyqtar men arnaıy sporttyq kıim-keshekter alyndy. Sondaı-aq jarysqa qatysýshylardyń is-saparǵa bólinetin qarjylary qolma-qol aqshasyz esep aıyrysý túrine aýystyryldy.
– Siz basqaryp otyrǵan salada ótken jyl nesimen este qaldy? Keler jyldyń jospary qandaı?
– О́tken jylǵa ókpe joq, keler jyldan úmit kóp. Biraq tyshqan jyly búkil álem elderi úshin aýyr jyl boldy. Nebir aıtýly jarystar keıinge shegerildi, tipti keıbiri ótpeı qaldy. Tórtkúl dúnıe kóz tikken Tokıo Olımpıadasynyń ózi aldaǵy jyly ótetin boldy. Karantın sharalaryn saqtaı otyryp búginde sporttyq jarystardy uıymdastyrý áli de jalǵasyp jatyr. Karantındik shekteýler qaperge alynyp, búginge deıin onlaın formatta 18 is-shara, tanymal sportshylarmen 27 kezdesý ótkizildi.
О́z kezeginde Nur-Sultan qalasynyń ákimi Altaı Kólginov basqarmaǵa qarasty mekeme basshylarymen, sport túrleri boıynsha federasııa prezıdentterimen kezdesti, ózekti máseler qarastyrylyp, olar tolyqtaı baqylaýǵa alyndy. Jyldy qorytyndylaý maqsatynda 2020 jyly atqarylǵan jumystardyń esebi tyńdalyp, keler jylǵa sport túrleri boıynsha qarjylyq jáne daıyndyq josparlary bekitildi. Keler jyldan úmitimiz kóp. Alda túrli josparlardy iske asyrýymyz kerek. 2021 jyldan bastap Nur-Sultan qalasyndaǵy tuńǵysh arnaıy sporttyq medısınalyq ortalyq ashylady. Qazirgi tańda qalada 4 dene shynyqtyrý-saýyqtyrý kesheniniń qurylysy júrgizilip jatyr. Ilınka, Kóktal-2, О́ndiris, Jeleznodorojnyı turǵyn alaptarynda salynyp jatqan sport keshenderi 2021 jyly qoldanysqa beriledi. Aldaǵy oqý jylynan bastap «Dene shynyqtyrý jáne sport» mamandyǵyna 50 qala ákiminiń granty bólinetin boldy. Bul da bolsa sportqa qyzyǵýshy jastar úshin úlken qoldaý ekeni sózsiz.
2020 jyly atqarylǵan jumystar legi osyndaı. Biz munymen toqtap qalmaımyz. Keler jylda da jemisti jumys istep, qazaq sportynyń damýyna óz úlesimizdi qosýǵa birlese atsalysamyz.
- Iá shynymen eldegi ahýalǵa qaramastan elorda sportynda úlken bir serpilis bolǵan eken. Jumystaryńyzǵa tabys tileımiz, Samat Serikhanuly, suhbatyńyzǵa rahmet.