Shymkent qalasynyń ákimi Murat Áıtenov qala turǵyndaryn onlaın rejımde qabyldady. Shahar basshysy jańa jyldaǵy alǵashqy qabyldaýda turǵyndardyń máselelerin tyńdap, saýaldaryna jaýap berdi, dep habarlaıdy Egemen.kz
Turǵyndar qabyldaýǵa buǵan deıin telefon arqyly habarlasyp, jazylatyn. 1 qańtardan bastap qala ákiminiń qabyldaýyna jazylý jazbasha túrde júrgizilýde. Iаǵnı, azamattar qala ákimdigine kelip, halyqtyq keńsege (front-ofıs) ótinish jazyp qaldyrsa jetkilikti. О́z kezeginde qala ákimi qabyldaýǵa jazylýda eshqandaı másele týyndamaý qajet ekenin, kez kelgen azamattyń máselesin tyńdaýǵa ázir ekenin aıtty.
Búgingi qabyldaýda turǵyndar negizinen, jumyspen qamtý, qoǵamdyq kólik jáne zańsyz qurylys máseleleri boıynsha shaǵymdaryn jetkizdi. Abaı aýdany B.Momyshuly kóshesiniń turǵyny Baýyrjan Dúısenov pen Qoshqar ata kóshesiniń turǵyny Jánibek Abdýraıyp jumyspen qamtý sharalary boıynsha shaǵymdaryn jetkizdi. Olar qoǵamdyq jumysqa tartylǵanyn, alaıda turaqty jumyspen qamtylýdy suraıdy.
Qala ákimi tıisti sala basshylaryna jeke kompanııalarmen kóptep memorandým jasaý qajet ekenin málimdedi. Sondaı-aq, Murat Dúısenbekuly qoǵamdyq jumys arqyly da ózderin damytýǵa, myqty maman ekenin dáleldeýge múmkindik baryn atap ótti.
Al Abaı aýdany Aqtas kóshesiniń turǵyny Láılá Qaınazarova jer ýchaskelerin zańsyz ıelený jáne maqsatsyz paıdalaný máselesin kóterdi. Qarataý aýdany Tulpar shaǵynaýdanynyń turǵyny Úrzada Esalıevany da osyndaı másele mazalaıdy. Qala ákimi bul oraıda zańdy tekserýler júrgizilip, naqty sheshimder qabyldanatynyn aıtty.
M.Áıtenov turǵyndar máselesin sheshý úshin tıisti basqarma basshylaryna naqty tapsyrmalar júktedi. Jalpy onlaın rejımdegi qabyldaýda qala ákiminiń orynbasarlary, basqarma basshylary, aýdan ákimderi qatysyp, turǵyndar saýalyna jaýap berdi.