Elordalyq órt sóndirýshiler avtojýý nysanyndaǵy jalyndy sóndirdi, dep habarlaıdy Egemen.kz Nur-Sultan qalasy TJD baspasóz qyzmetine silteme jasap.
Oqys oqıǵa búgin, ıaǵnı 7 qańtar saǵat 08: 52-de Nur-Sultan qalasy Esenberlın kóshesi, 26/1 mekenjaıynda ornalasqan avtokólik jýý ornynda tirkelgen. Onyń ishinde kólik janyp jatqany týraly kelip túsken shaqyrýǵa Nur-Sultan qalasynyń TJD О́rt sóndirý bólimshelerinen 9 tehnıka men jeke quramnan 15 adam jumyldyrylǵan. «О́rt sóndirýshiler saǵat 08:59 shamasynda kelgen boıda «Batyr» kólik jýý ornynyń eki qabatty ǵımaratynda kólikter janyp jatqany anyqtaldy. Aldyn ala boljam boıynsha 13 jeńil avtokólikke zaqym kelgen. Avtokólik jýatyn oryn avtokóliktermen tyǵyz toltyrylǵandyqtan otty aýyzdyqtaý biraz qıynǵa soqty, biraq órt sóndirýshilerdiń jedel jáne saýatty is-qımylynyń arqasynda tilsiz jaý sóndirildi. Qaza bolǵandar men zardap shekkender joq. О́rttiń shyǵý sebebi anyqtalyp jatyr», deıdi mınıstrlikten.