Búgin onlaın brıfıng barysynda qalanyń bas sanıtar dárigeri Jandarbek Bekshın 9,11,12 synyp oqýshylaryna – úshinshi toqsannan bastap, kolledjdiń 1 kýrs stýdentterine – ekinshi semestrden bastap dástúrli oqý formatyna kóshýge ruqsat berilgenin málimdedi, dep habarlaıdy Egemen.kz
Almaty mektepterinde 1-5 synyptar aralyǵynda qosymsha kezekshi synyptar ashýǵa tyıym salyndy. Sebebi oqýshylar arasynda vırýs juqtyrý kórsetkishi kóterilgen.
«5 qańtardaǵy jaǵdaıǵa sáıkes oqýshylar arasynda 311 oqýshydan KVI anyqtalǵan. Onyń ishinde 15 oqýshy Almaty arqyly eldiń basqa óńirlerine ótip bara jatqan. Olar jergilikti turǵyn emes. Qala oqýshylary arasynda 296 jaǵdaı tirkeldi. 262 oqýshy qashyqtan oqyǵan kezde juqtyrǵan. 1-4 synyp aralyǵynda – 38 oqýshy, 5-8 synyp aralyǵynda – 40 oqýshy, 9-12 synyp aralyǵynda 21 oqýshy juqtyrǵan. Iаǵnı, juqtyrý kórsetkishi artyp keledi», dedi ol.
J.Bekshınniń aıtýynsha, onlaın oqýdyń arqasynda aýrýdyń jedel taralýynyń aldy alyndy.
«Biz 1500 balany aýrý juqtyrýdan aman alyp qaldyq. Qalanyń bas sanıtarlyq dárigeriniń qaýlysymen 1-5 synyptar arasynda qosymsha kezekshi klastar ashýǵa tyıym salyndy. Eger osy oqýshylar mektepke baryp júrse, 1500 bala juqtyrar edi. Basqa synyptarǵa da kóshetin edi. Muǵalimder de aýyryp qalar edi. Sondyqtan bul sheshim durys dep sanaımyn», dedi J. Bekshın.
Búginde joǵarǵy synyp oqýshylary arasynda kezekshi synyp ashý týraly másele qozǵalyp jatyr.
«Kúndelikti baqylaýǵa sáıkes, 9 synyp arasynda – 17 oqýshy, 11 synyp arasynda – 12 oqýshy, 12 synyp arasynda 2 oqýshy vırýs juqtyrǵan. Joǵarǵy synyp oqýshylary arasynda 260 oqýshyny aýrý juqtyrýdan alyp qaldyq», dedi spıker.
Mektep túlekteri mektepke óz erkimen barady.
«Ata-analar balasyn mektepke jiberemin dep sheshse, sabaqtyń 70 paıyzy – oflaın, 30 paıyzy – onlaın bolmaq», dedi ol.
Ár synypta 15 oqýshydan aspaýy shart.
«Qalalyq bilim basqarmasy mektepterdi dezınfeksııalaý quraldarymen qamtıdy. Dálizde toptasyp qalmas úshin ár synyp úziliske ár ýaqytta shyǵady. Mektepte maska rejimi qatań saqtalady», dedi Bekshın.