«QazIndustry» Qazaqstandyq ındýstrııa jáne eksport ortalyǵy» AQ Dırektorlar keńesiniń sheshimimen «QazIndustry» Qazaqstandyq ındýstrııa jáne eksport ortalyǵy» AQ basqarma tóraǵasynyń orynbasary bolyp Marat Bopazov saılandy, dep habarlaıdy Egemen.kz Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.
Taǵaıyndalǵanǵa deıin Qazaqstan Respýblıkasy Parlamenti Májilisiniń VI shaqyrylymynyń depýtaty, Ekologııa máseleleri jáne tabıǵat paıdalaný komıtetiniń múshesi bolǵan. «QazIndustry» Qazaqstandyq ındýstrııa jáne eksport ortalyǵy» AQ-da Marat Bopazov ónerkásiptik damý máselelerine jetekshilik etetin bolady.
Marat Bopazov V.I. Lenın atyndaǵy Qazaq polıtehnıkalyq ınstıtýtyn «taý-ken ınjeneri» mamandyǵy boıynsha, sondaı-aq I. Jansúgirov atyndaǵy Jetisý memlekettik ýnıversıtetin «quqyqtaný» mamandyǵy boıynsha támamdaǵan. Jalpy jumys ótili 35 jyl. Ár jyldary Semeı geologııalyq-barlaý tehnıkýmynda, Taldyqorǵandaǵy «Oblvodokanal» basqarmasynda, Ulttyq-mádenı uıymdardy qoldaý qorynda jumys istedi. Sondaı-aq Taldyqorǵan qalalyq ákimshiliginiń Qurylys jáne turǵyn úı-kommýnaldyq sharýashylyq basqarmasy bastyǵynyń orynbasary, Taldyqorǵan qalasynyń «Kommýnalnık» MKK bastyǵy qyzmetterin atqardy.
1999 jyldyń qarashasynan 2016 jyldyń naýryzyna deıin Taldyqorǵan qalalyq máslıhatynyń hatshysy qyzmetin atqardy.
2016 jylǵy 24 naýryzdan bastap VI saılanǵan Qazaqstan Respýblıkasy Parlamenti Májilisiniń depýtaty bolǵan.