Búginde Qyzylordadaǵy ZK-169/5 mekemesiniń óndiristik aımaǵynda 11 kásipker jumys jasap, sottalǵandardy jumyspen qamtyp otyr. Onda sotty bolǵandar kirpish óndirip, plastık terezeler, jalıýzıler daıyndaıdy, dep habarlaıdy Egemen.kz.
Jaqynda mekemeniń óndiristik aımaǵynan taǵy bir kásiporyn ashyldy. Munda sottalǵandar qolóner buıymdaryn jasaıdy. Olar qazir et salatyn astaý jasap jatyr.
Qazir suranysqa ıe bolyp turǵan astaý jasaýǵa qaıyń, terek pen úıeńki aǵashy kerek eken. Buıym sapasyn joǵaltpas úshin jylqy maıymen maılap otyrǵan durys deıdi sheberler.
Sottalǵandar qolóner buıymdaryn jasaıtyn óndiris ornynyń ashylǵanyna qýanyshty. Olar aılyq jalaqylarynyń da ýaqytyly tólenetindigin aıtyp otyr.