«Qazaqfılm» kınostýdııasynyń prezıdenti, tanymal rejısser Aqan Sataev paraqorlar týraly qysqa áleýmettik rolık túsirdi, dep habarlaıdy Egemen.kz
Vıdeo Nıkolaı Drozdovtyń «Janýarlar áleminde» atty áıgili baǵdarlamasynyń stılinde túsirilgen. Onda baǵdarlamadaǵydaı kóptegen adamǵa tanys mýzykanyń fonynda alǵyshtar men bergishter týraly áńgimelenedi.
«Aldymyzda osy túrdiń jarqyn ókili tur. Alǵyshtar tynysh jerdi jaqsy kóredi jáne ádette jaqsy tábetimen erekshelenedi. Olar ashkóz jáne óte saq. Bergishterdi ońasha orynda saǵattap kúte alady. Al mynaý - bergish. Ol urlanǵan oljasynan budan da kóp paıda tabýǵa úmittenip, alǵyshqa berý úshin kezdesýge asyǵyp barady. Olardyń ádetteri bir-birine óte uqsaıdy», delingen vıdeoda.
Rolık uıaly telefonǵa túsirilgen, al bıýdjeti 50 myń teńge. Basty rolderdi Talǵat Sydyqbekov pen Ǵaıdar Gılmanov somdaǵan.
«Meniń jaqyn dosym, tabysty kásipker Gafýr Ihsan alǵyshtar men bergishter týraly ázil oılap tapqan edi... Nátıjesinde telefonymdy alyp, osy taqyrypta QR Sybaılas jemqorlyqqa qarsy agenttigine áleýmettik rolık túsirýdi uıǵardym», dedi Sataev.