Almaty qalasynyń memlekettik bas sanıtar dárigeri Jandarbek Bekshınniń jańa qaýlysy shyqty, dep habarlaıdy Egemen.kz
«15 adamnan aspaıtyn toptardyń jıyntyǵyn saqtaý kezinde kezekshi toptardan basqa mektepke deıingi balalar mekemeleriniń qyzmetine tyıym salynady» delingen qaýlyda.
Qujatta budan bylaı koronavırýs testiniń nátıjesi oń bolǵannyń bári aýrýhanaǵa jatqyzylatyny da aıtylǵan. Saýda jáne oıyn-saýyq ortalyqtary demalys kúnderi jabylady, kafelerge saǵat 20:00-ge deıin jumys isteýge ruqsat etildi.
Bólek turǵan jáne iri saýda obektilerinde ornalasqan sýpermarketterdiń, dúkender men dárihanalardyń jumysyna belgilengen tártipterge baılanysty ruqsat beriledi.
Eske sala keteıik, shaharda demalys kúnderi saýda ortalyqtarynyń jumysyna tyıym salynǵanyn habarlaǵan bolatynbyz. Sonymen qatar 1 aqpannan bastap kınoteatrlar jumys istemeıdi.