Reseıdiń «Aeroflot» áýekompanııasy pandemııaǵa baılanysty turaqty halyqaralyq reısterdiń ushý baǵdarlamasyna birqatar ózgeris engizdi, dep habarlaıdy Egemen.kz
28 naýryz ben 30 sáýir aralyǵynda Máskeýden Aqtaý, Aqtóbe, Almaty, Atyraý, Qaraǵandy, Qostanaı, Shymkent qalalaryna reıster toqtatylady.
«Áýekompanııa saıty nemese baılanys ortalyǵy arqyly atalǵan baǵyttarǵa bılet satyp alǵan jolaýshylarǵa bılet aqysy tóleý nysany jáne qoldanystaǵy qaǵıdalarǵa sáıkes avtomatty túrde qaıtarylady. Áýe bıletterin «Aeroflot» satý keńsesinen nemese agenttikten satyp alǵan jolaýshylar aqshasyn qaıtarý máselesi boıynsha satyp alǵan ornyna habarlasýy qajet», dep habarlady kompanııa.