QR Indýstrııa jáne ınfraqurylymdyq damý mınıstrligi Reseımen áýe qatynasyna baılanysty málimdeme jasady, dep habarlaıdy Egemen.kz
- Reseılik «Aeroflot» áýe kompanııasynyń Qazaqstanǵa ushýyna qatysty BAQ-taǵy aqparatqa baılanysty, koronavırýstyq ınfeksııa pandemııasyna deıin Qazaqstan men Reseı arasyndaǵy turaqty áýe qatynasyn qazaqstandyq jáne reseılik áýe kompanııalary Nur–Sultan, Almaty, Aqtaý, Aqtóbe, Atyraý, Oral, Qaraǵandy, Shymkent, Pavlodar, О́skemen, Taraz, Qostanaı jáne Máskeý, Sankt-Peterbýrg, Novosıbırsk, Ekaterınbýrg, Astrahan, Qazan, Omby, Mahachkala, Krasnodar, Tıýmen, Mıneraldy Sýlar qalalary arasynda aptasyna 178 reıs jıiligimen júzege asyrǵanyn habarlaımyz.
2020 jylǵy naýryzda koronavırýstyq ınfeksııanyń pandemııasyna baılanysty eki el arasyndaǵy turaqty áýe qatynasy toqtatyldy.
Koronavırýstyq ınfeksııanyń taralýyna baılanysty shekteýler engizilgenge deıin oryndalǵan Qazaqstan men Reseı arasyndaǵy turaqty reısterdiń qaıta bastalýy men reıster sanyn ulǵaıtý áýe kompanııalar emes, álemdegi jáne eki eldegi epıdemıologııalyq jaǵdaıdy eskere otyryp, Qazaqstan Respýblıkasynyń aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń jáne Reseı Federasııasynyń aýmaǵyna jańa koronavırýstyq ınfeksııanyń ákelinýi men taralýynyń aldyn alý jónindegi jedel shtabtyń sheshimderine sáıkes júzege asyrylady.
Qazirgi ýaqytta Qazaqstan men Reseı arasyndaǵy turaqty áýe reısterin «Eır Astana» jáne «Aeroflot» áýe kompanııalary aptasyna 2 reıs jıiligimen tek Nur-Sultan men Máskeý qalalary arasynda oryndaıdy, delingen habarlamada.