«Qazaqstan» respýblıkalyq teleradıokorporasııasy «Qazsport» telearnasy «Úıdegi kommentator» jobasyn jarııalady. Jobaǵa qatysýshylar «Qazsport» telearnasynyń translıasııalaryn úıde otyryp júrgizip, vıdeolaryn áleýmettik jelige #ÚıdegiKommentator heshtegimen júkteýi qajet, dep habarlaıdy Egemen.kz.
Eń úzdik beınejazbalardyń avtorlary telearna ótkizetin kommentatorlardyń kastıngine qatysýǵa múmkindik alady.
«Mundaǵy maqsatymyz – kommentatorlardyń rezervin jasaqtaý. Telearna mamandarynan qurylǵan arnaıy komıssııanyń irikteýimen úzdik qatysýshylar rezervke alynyp, kommentatorlar kastıngine shaqyrylady. Qazirgi ýaqytta «Qazsport» arnasynda tikeleı efırde hokkeıden Qazaqstan Kýbogy saıystary, Qurlyqtyq hokkeı lıgasynyń matchtary, fýtzaldan Qazaqstan chempıonaty ótýde. Bul - jobaǵa qatysýshylar úshin úlken múmkindik. Bizdiń maqsatymyz – tek fýtbol emes, sporttyń ár túrinen kommentatorlar rezervin qurý», deıdi «Qazsport» telearnasynyń dırektory Naǵı Baqytbekov.
Basqa da sport túrlerin júrgizý boıynsha baq synaǵysy keletinder qazsporttv.kz resm saıty men You Tube jelisindegi arnadan ótken translıasııalardyń muraǵatyn paıdalana alady. Jobaǵa 18 jastan joǵary úmitkerler qatysa alady.