Orman órti turǵyn aýdandarǵa jaqyndap, Sýon qalasyndaǵy úılerdiń kúl-talqanyn shyǵarǵan, dep habarlaıdy Egemen.kz BBC NEWS agenttigine silteme jasap
Jalyn 9000 gektar aýmaqty alyp, 71 úı otqa oranǵan. Sonymen qatar alty órt sóndirýshi jaraqat aldy. Bul sońǵy jyldary qala kórgen eń úlken órt bolyp otyr.
Qala basshylyǵy halyqty oqshaýlanýǵa jáne daıyn bolýǵa shaqyrdy.
Aıta ketetin jaıt, órt dúısenbide bastalyp, Pert ortalyǵynan shyǵysqa qaraı 30 shaqyrym jerde áli kúnge deıin janyp jatyr. О́rt saldarynan júzdegen aýstralııalyqtar evakýasııalyq ortalyqtarda túnedi.
Seısenbide órtten shyqqan tútin qalany tunshyqtyryp, qala mańyndaǵy úılerdi kúlge aınaldyrǵan.
Jergilikti BAQ-tyń habarlaýynsha, qyzyl jalyndy aýyzdyqtaýǵa jel men qurǵaq ári ystyq aýa raıy da kedergi keltirip otyr. Sondaı-aq bul jaǵdaı órttiń odan da úlken aýmaqqa taralýyna ákelýi múmkin.
Eske sala ketsek, Aýstralııada 2019 jyldyń qyrkúıeginde bastalyp 2020 jylǵa deıin jalǵasqan orman órtinen júzdegen adam qaza taýyp, myńdaǵan úı men mıllıondaǵan gektar jer janyp ketti. Sonymen qatar, shamamen 500 mıllıon janýar óldi.
Aıtolqyn MYRZAKARIM