О́ńirlik kommýnıkasııalar qyzmetinde ótken brıfıngte oblystyq bilim basqarmasynyń basshysy Aqzıra Qasymova saladaǵy bıylǵy jańalyqtar men ózgeristerdi baıandady, dep habarlaıdy Egemen.kz
Birinshisi, ákimdikterdiń bilim berý salasyndaǵy fýnksııalary oblystyq deńgeıge beriledi. Buryn jergilikti jerdegi aýdan ákimderi bólim basshylaryn taǵaıyndap kelse, endi ony basqarma iske asyrady. Ekinshisi, qańtar aıynan bastap, salany qarjylandyrý oblystyq deńgeıge ótýde. Barlyq bilim berý uıymdary basqarmanyń vertıkaldy basqarý júıesine kóshedi, ıaǵnı, aýdandyq jáne qalalyq bilim berý bólimderin qarjylandyrý jáne basqarý quzyreti oblystyq bilim berý basqarmalaryna beriledi.
О́tken jyly bilim basqarmasynyń bıýdjeti 59 mlrd teńge bolsa, vertıkaldy basqarý júıesi arqyly bıylǵy qarjy 173,3 mlrd teńgeni qurady.
Jıynda osy jyldyń alǵashqy UBT synaǵy týraly da aıtyldy. Bıylǵy talapkerlerdiń basym bóligi ótken aıda testileýge qatysqan. Aıta ketý kerek, qańtar aıyndaǵy test nátıjesi tek aqyly túrde bilim alýǵa jaramdy. Oblys boıynsha bul synaqty 7002 bitirýshiniń 5832-si tapsyrdy. Osy joly 100 baldan asyrǵan bitirýshiler sany – 409 bolsa, 815 bitirýshi shekti baldy jınaı almaǵan.
Bıyl ulttyq biryńǵaı testileýdi ótkizý elektrondy formatqa aýystyrý josparlanyp otyr. Túlekter memlekettik grant alý úshin naýryz-maýsym aralyǵynda ulttyq test tapsyrady.