Qyzylorda oblysyndaǵy bas memlekettik sanıtarııalyq dárigerdiń jańa qaýlysy shyqty. Ondaǵy basty jańalyq aýyldyq jerlerde juma namazyn oqýǵa ruqsat berilip otyr. Biraq adam sany 150-den aspaýy qajet. Sondaı-aq, bilim berý uıymdaryndaǵy ashana qyzmetine ruqsat berildi.
- Bilim berý uıymdaryndaǵy kontıngenti 300 oqýshyǵa deıin qalalyq jáne aýyldyq dástúrli formatta oqıtyn mektepter, 1-den 5-shi synypty qosa alǵanda, oqý bitiretin 9, 11 (12) synyptardaǵy oqýshylar, kolledjder men joǵary oqý oryndarynyń I kýrs stýdentteri úshin qoǵamdyq tamaqtaný nysandarynyń qyzmetine ruqsat etildi. Basty talap - tamaqtaný ornynda kelýshiler sany 30 paıyzdan aspaýy tıis. Araqashyqtyqtyń saqtalýy, betperde talap etiledi, - dedi oblystyń bas memlekettik sanıtarııalyq dárigeri Dınara Jańabergenova.
Qazir oblys «jasyl» aımaqta. Karantın talaptary birte-birte jeńildep keledi. Degenmen de,. arnaıy qurylǵan monıtorıngtik top karantın talaptaryn baqylaýdy jalǵastyra bermek.