11 aqpanda «Boryshker» is-sharasy aıasynda Qyzylorda oblysy PD Ákimshilik polısııa basqarmasynyń qyzmetkerleri, prokýratýra ókilderi jáne sot oryndaýshylary birlesken reıdte 34 jastaǵy oblys turǵynynyń basqarýyndaǵy reseılik nómirli jeńil avtokólikti ustady. Ol birneshe aı ishinde jyldamdyq rejımin 181 márte buzǵan, dep habarlaıdy Egemen.kz
Quqyq buzýshylyqty avtomatty túrde anyqtaıtyn «Arkan» qurylǵysy arqyly bul avtokólikke 2020 jyldyń 12 maýsymy men 2021 jyldyń 11 aqpany aralyǵynda 3 mln 591 myń 265 teńge somasynda aıyppul salynǵan.
Sondaı-aq, júrgizýshi kólikti saqtandyrý qujatsyz tek júrgizýshi kýáligimen basqarǵany anyqtaldy. Avtokólik aıyppul turaǵyna qoıyldy, quqyq buzýshy salynǵan aıyppuldardy tóleýi tıis.
Júrgizýshige QR ÁQBtK-niń 612-baby 1-bóligimen hattama rásimdelip, jınalǵan qujattar sotqa joldandy.