Búgin Nur-Sultanda Qazaqstan Respýblıkasynyń Aqparat jáne qoǵamdyq damý mınıstri Aıda Balaeva Ýkraınanyń Qazaqstandaǵy Tótenshe jáne О́kiletti elshisi Petr Vrýblevskıımen kezdesti, dep habarlaıdy Egemen.kz.
Shara barysynda mınıstrliktiń jetekshilik etetin baǵyttary boıynsha ekijaqty yntymaqtastyqty damytý perspektıvalary talqylandy.
Kezdesýde A. Balaeva elshige mınıstrliktiń jumysy týraly aıtyp berdi. Sonymen birge Ýkraınanyń tanymal áleýmettik jelilerinde jastarǵa arnalǵan zamanaýı kontentti qurý jónindegi tájirıbesine qyzyǵýshylyq tanytty.
Petr Rýblevskıı jastardy áleýmettik qoldaý sharalaryna, Qazaqstan men Ýkraınadaǵy jastar resýrstyq ortalyqtary men jastar uıymdarynyń jumysyna toqtaldy.
Eki jaqty yntymaqtastyqty odan ári damytý úshin taraptar Táýelsizdiktiń 30 jyldyǵyn atap ótý aıasynda ımıdjdik rolıktermen almasýǵa kelisti.
Taraptar ózara tıimdi qarym-qatynastardy odan ári nyǵaıtýǵa nıet bildirdi.