Mádenıet jáne sport mınıstri Aqtoty Raıymqulova Nurtileý Imanǵalıulynyń otbasy men týǵan-týystaryna kóńil aıtty, dep habarlaıdy Egemen.kz
«Qazaqstan Respýblıkasy Mádenıet jáne sport mınıstrliginiń atynan tanymal jýrnalıst, professor, Qazaqstannyń eńbek sińirgen qaıratkeri, «Altyn Juldyz» syılyǵynyń jəne «Parasat» ordeniniń ıegeri Nurtileý Imanǵalıuly Imanǵalıevtiń qaıtys bolýyna baılanysty otbasy men jaqyndarynyń qaıǵysyna ortaqtasyp, kóńil aıtamyn.
Nurtileý Imanǵalıuly sanaly ǵumyryn súıikti isine, elimizdi órkendetýge arnaǵan qazaq telejýrnalıstıkasy metrleriniń biri, ardaqty azamat edi. Qamshynyń sabyndaı qysqa ǵumyrynda óshpes iz qaldyrǵan jaısań jan izinen ergen shəkirtterine úlgi bolyp, kəsibı maman retinde qalyptasýyna zor úles qosty.
Darhan peıildi tulǵa televızııa salasynda «Jadyńda ma, joldas?!», «Aına», «Jastar daýysy», «Oı-kókpar», «Dıdar», «Zań men zaman» jəne ózge de eldi eleńdetken tolǵaqty túıtkilder men kókeıkesti máselelerdi arqaý etken, saıası-əleýmettik salmaǵy basym, shynshyl baǵdarlamanyń tizginin ustap, halyqtyń iltıpatyna bólendi.
О́negeli ómir ıesiniń asyl beınesi qazaq halqynyń kóńil tóri men júrek túkpirinde məńgi saqtalady.
Marqumnyń kózi tirisinde jasaǵan ıgi-jaqsy amaldary aldynan jarylqasyn. Jatqan jeri jaıly, topyraǵy torqa bolsyn. Urpaǵymen myń jasasyn!», deıdi mınıstr Aqtoty Raıymqulova.