Búgin Túrki keńesiniń Bas hatshysy Baǵdat Ámireev Tashkentte «Radıkalızm, ekstremızm jáne terrorızmmen kúrestegi jastardyń róli» taqyrybynda ótken halyqaralyq konferensııaǵa qatysty, dep jazady Egemen.kz
Konferensııany О́zbekstannyń Jastar isi jónindegi agenttigi uıymdastyrdy. Alqaly otyrysqa ShYU, BUU, EQYU, sııaqty halyqaralyq uıymdardyń basshylary, ókilderi, sarapshylar men jastar qatysty.
B.Ámireev óziniń alǵy sózinde jastar máselesinde yntymaqtastyq taqyryby tek basym baǵyttardyń biri ǵana emes, sonymen qatar Túrki keńesine múshe memleketterdiń áleýmettik-ekonomıkalyq jáne saıası bolashaǵyn anyqtaıtyn faktor bolyp tabylatyndyǵyn atap ótti.
Ol jastardy destrýktıvti is-sharalardan saqtandyrý uıymnyń mańyzdy mindeti ekenin, sondyqtan basa nazarda ustaý kerektigin aıtty.
Osyndaı mańyzdy konferensııany uıymdastyrǵany úshin О́zbekstan úkimetine rızashylyǵyn bildirdi.
Sonymen qatar Bas hatshy О́zbekstan Prezıdenti Shavkat Mırzııoevtiń BUU Bas assambleıasynyń 72-sessııasynda «BUU-nyń Jastar quqyqtary týraly halyqaralyq konvensııasyn» qabyldaý týraly bastamasynyń mańyzdylyǵyna toqtaldy.
О́zbekstannyń memlekettik jastar saıasatyn túbegeıli reformalaý jáne jańa deńgeıge kóterý boıynsha qabyldanǵan sharalardy joǵary baǵalady.
Budan ózge ol jastar salasyndaǵy yntymaqtastyqty nyǵaıtý uıym qyzmetiniń mańyzdy baǵyty ekenin eskere otyryp, «Jastar platformasyn» qurý eń nátıjeli jumystardyń qatarynda ekenin aıtyp ótti.
Osy oraıda Bas hatshy konferensııa qonaqtaryn Túrki keńesi elderindegi jastardyń ortaq máselelerimen tanystyrdy.
B.Ámireev sondaı-aq Túrki Keńesiniń ÚEU sheńberinde «Jastar platformasyn» qurýy eń nátıjeli joba ekenin basa aıtty.
Sonymen qatar Túrki Keńesiniń basshysy halyqaralyq qaýymdastyqty ıslamdy ekstremızmmen ózara baılanystyryp kórsetetin negizsiz talaptardy toqtatýǵa jáne nazar tek ekstremızmmen kúresýge ǵana emes, sonymen qatar jastardy ıslam dininiń shynaıy qundylyqtaryna tárbıeleý úshin qoldan kelgenniń bárin jasaýǵa shaqyrdy.