Birlik – kemel keleshegimizdiń kepili

Elimizdegi ártúrli qoǵamdyq-saıası uıymdar men memleket­tik mekeme, kásiporyndardyń bar­lyǵy da osynaý jaýapty min­dettiń bıik deńgeıinen kórin­se eken deımiz. Bul oraıda Qazaq­stan halqy Assambleıasyna da júkteler mindet pen artylar senimniń júgi asa aýqymdy ekeni barshamyzǵa aıan.

Qazaqstan Respýblı­ka­sy­nyń Prezıdenti Qasym-Jomart Toqaev «Egemen Qazaqstan» ga­zeti­niń bıylǵy jyl basyndaǵy sanynda jarııalaǵan «Táýelsizdik bári­nen qymbat» baǵdarlamalyq maqalasynda: «Bizdi qaı zamanda da qıyndyqtardan aman alyp kele jatqan basty qudiret – el birligi. Yntymaǵy jarasqan jurt­tyń qashanda upaıy túgel. Túrli jaǵdaılarǵa baılanysty qazaq jerine ár kezeńde ártúr­li ult ókilderi kóptep qonys­tandy. Qazaq halqy eshkimdi jat kórmeı, baýyryna bas­ty. Búginde olardyń týǵan jeri de, Otany da – Qazaqstan. Biz kóp etnostyq sıpatymyzdy artyqshylyqqa aınaldyra alǵanymyz anyq. Kópte­gen sheteldik sarapshynyń elimizge qatysty «Eýrazııadaǵy shyrpy tıse lap etkeli turǵan qýraı», «failed state» sııaqty boljamdaryn joqqa shyǵardyq. Bul jolda tynyshtyq pen turaq­ty­lyqtyń bastaýy bolǵan Qazaq­stan halqy Assambleıasy tıimdi jumys atqardy. Eshkimdi ultyna qarap bóle-jarǵan joqpyz. Bári­niń ósip-ónýine tolyq jaǵdaı jasa­dyq, birdeı múmkindik ber­dik. Bizdiń ultaralyq kelisim saıa­saty­myz álemdi moıyndatty. Hal­qy­myzdyń osyndaı yrys-yn­ty­maqqa negizdelgen jarasymyn baǵalaı bilýimiz kerek. Bul – kemel keleshekke bastaıtyn bir­den-bir durys jol», dep jazdy.

Iá, táýelsizdigimizdiń tuǵy­ryn nyqtap, etnosaralyq ynty­maǵymyzdy nyǵaıtqan da osy birligimiz ekenin búginde bárimiz jaqsy bilemiz. Táýelsizdigimizdiń otyz jyly ishinde birligi jaras­qan el, dostyq pen ynty­maqqa arqa súıegen memleket retinde álem kartasynan oıyp turyp oryn alǵanymyz tórtkúl dúnıe moıyndaǵan shyndyq.

Zer salyp baǵamdar bol­saq, birliktiń de, yntymaq pen tatý­lyqtyń da negizinde adam men adamnyń bir-birine degen súıispenshiligi men syılas­tyǵy jatqan joq pa! Sońǵy jyl­dary elimizde atap ótile bas­ta­ǵan Alǵys aıtý kúni de osynaý baǵa jetpes asyl qazy­namyz tatýlyǵymyzdy nyǵaı­týǵa, birligimizdi bekemdeýge aıtarlyqtaı septigin tıgize bas­taǵany aqıqat.

Qazaqstan Respýblıkasy­nyń Tuńǵysh Prezıdenti – Elbasy Nursultan Nazarbaev táýelsizdigimizdiń alǵashqy bes jyldyǵyna bergen baǵasynda: «...Mundaı taǵdyr jer betindegi halyqtardyń báriniń mańdaıyna jazyla bermeıdi, qysqa ǵana ýaqyt aralyǵynda osynshama kúrdeli mindetterdi sheshý de kez kelgen halyqtyń qolynan kelmeıdi. О́zimizdiń qýatty memlekettigimizdi qura otyryp, ultaralyq kelisim men saıası turaqtylyqty saqtap qalý HHI ǵasyrdyń tabaldyryǵyndaǵy bizdiń mindetimizdi osylaı tu­jyryp aıtýǵa bolar edi», degen bolatyn. Búginde san alýan kúrdeli mindetterdi halqy­myzdyń aýyzbirshiligi men tatý­lyǵynyń arqasynda sheship, mem­lekettik sarabdal she­shim­der negizinde saıası tu­raq­tyly­ǵymyzdy saqtap otyr­ǵanymyz barshaǵa aıan.

Joǵaryda sóz bolǵan áıgili maqalasynda Memleket basshysy  halqymyzdy biriktiretin ortaq qundylyqtardy barynsha dáriptep, oı-sanaǵa berik ornyqtyrýymyz kerektigin aıta kelip, «Mysaly, Naýryz meıramyn atap ótý tujyrymdamasyn jasap, kóktem merekesiniń mazmunyn baıyta túsken jón. Búkil qoǵamdy uıystyratyn qundylyqtar neǵurlym kóp bolsa, birligimiz de soǵurlym bekem bolady» dep tujyrǵan edi. Búgin búkil elimiz bolyp atap ótip jatqan Alǵys aıtý kúni de osyndaı qundylyqtarymyzdyń ajyramas bólshegi ekeni ras.

Halqyn ortaq jeńister men berekeli  ıgilikterge bastaı­t­yn kez kelgen azamattyq qoǵam­­nyń basty maqsaty – el irgesi­niń shaıqalmaýy, el-jurt seni­miniń setinemeýi. Osy jolda ót­k­enimizdi durys baǵalap, tarıhy­myzdan sabaq alyp, nurly bolashaqqa qaryshty qadam jasaý ár qazaqstandyqtyń aza­mat­tyq paryzy. Mundaı qadam búgingideı beıbit kúnge jetkizgen taǵdyrymyzǵa alǵys aıtýdan bastalǵany jón dep bilemiz.

Zakırjan KÝZIEV,

Qazaqstan halqy Assambleıasy Tóraǵasynyń orynbasary