Mádenıet jáne sport mınıstrligi, «Áziret Sultan» memlekettik tarıhı-mádenı qoryq-mýzeıi uıymdastyrǵan «Iаsaýı izimen» atty ǵylymı-ekspedısııa músheleri О́zbekstan Respýblıkasy Namangan qalasynan Qoja Ahmet Iаsaýı babamyzǵa qatysty shejire men ıslam álemine áıgili 11 shaıyqtyń esimi jazylǵan mór tapty.
Bul jádigerler Qoja Ahmet Iаsaýıdiń urpaǵy sanalatyn ǵulama ǵalym Ibrahımjan Sharıfhýjaevtiń qolynda saqtalyp kelgen eken. Qazir 98 jastaǵy aqsaqaldyń týǵan jeri – Túrkistan qalasy. Bala kezi atasy Qoja Ahmet Iаsaýı kesenesi mańynda ótipti. Ákesine topyraq Túrkistannan buıyrǵan.
Dinı senimderge qarsy ateıstik kózqaras dendep, taqýa jandar qýdalaýǵa túsip, ıslam kitaptary órtelgen sonaý qıyn jyldary Sharıfhýjaevter áýleti Túrkistan qalasynan qonys aýdaryp, 10 jasar Ibrahımjan men anasy ekeýi Namanganǵa bas saýǵalapty. «Baba murasy – nasabnama (shejire) men mórdi aman saqtap qalý úshin kóp qıyndyq kórdik» depti qarııa. Qundy murany uzaq jyl topyraqqa kómip jasyrǵan. Jer astynda kóp jatqandyqtan nasabnama, ıaǵnı shejire jazbanyń keıbir bóliginiń boıaýy óship, shirı bastaǵandyqtan, qarııa kóziniń tirisinde bul amanatty babasy jatqan kesene qoryna tabystaýdy armandaǵan eken.
Nasabnama-shejireniń uzyndyǵy – 2,5 metr, shaǵataı tilinde jazylǵan. Mura qaı ǵasyrǵa tán ekeni anyqtalý ústinde. «Aldaǵy ýaqytta «Áziret Sultan» memlekettik tarıhı-mádenı qoryq-mýzeıi tarapynan bul jádigerge qatysty tolyqqandy ǵylymı-zertteý jumysyn júrgizý isi qolǵa alynady» deıdi qoryq-mýzeı qyzmetkerleri.
Namangan ǵana emes búkil ózbek jurty qurmetteıtin ǵulama ǵalym Ibrahımjan aqsaqaldyń segiz ul, úsh qyzynan taraǵan urpaq úlken áýletke aınalǵan. «Ul – qyzdarym Qoja Ahmet Iаsaýı urpaqtarynan bolǵandyǵyna maqtanady. Úlken ulym dinı ilimdi meńgerip, meniń jolymdy jalǵastyrýda» deıdi qarııa.
Ikramjan qajy úıiniń bir bólmesin bosatyp, atasy Qoja Ahmet Iаsaýıge arnap shaǵyn kórme ashypty. Munda Iаsaýıdiń shejiresine qatysty nasabnamanyń kóshirmesi men móri jáne Túrkistanǵa qatysty sýretter men kitaptar qoıylǵan eken.