Shymkent qalasyndaǵy «AZALA Textile» JShS-i Qazaqstannyń jeńil ónerkásibi kóshbasshylarynyń biri bolyp qana qoımaı, Lıtva, Latvııa, Germanııa, Italııa, Polsha, sondaı-aq jaqyn shet elderge taýarlary eksporttalatyn halyqaralyq brend bolyp otyr, dep habarlaıdy Egemen.kz.
Qazaqstandaǵy tolyq sıkldegi jalǵyz toqyma fabrıkasy - «AZALA Textile» JShS-i – óz ataýyn zaýyt basshysynyń balalaryna degen qamqorlyǵynyń nyshany retinde aldy. О́ndiris ıesi kásiporynnyń ataýyn óziniń 5 qyzynyń esimderiniń alǵashqy áripterinen qurdy: Aısulý, Zere, Arýjan, Lázzat, Aıshabıbi.
Jylyna 2800 tonnadan astam ıirimjip, daıyn jáne qatty matanyń 14 mıllıon metrin shyǵaratyn óndiristik qýaty bar toqyma kombınaty Shymkent qalasynda ornalasqan.
«Bıznestiń jol kartasy-2020» memlekettik baǵdarlamasy negizinde kombınattyń óndiristik qýaty keńeıtildi. Nátıjesinde boıaý-óńdeý jáne tigin sehtary qosyldy. Qaıta jańartýdan keıin «AZALA Textile» JShS-i kombınaty elimizdegi maqta talshyǵyn qaıta óńdeýdi jáne daıyn maqta-mata buıymdaryn shyǵarýdy qamtıtyn tolyq óndiris sıkli bar alǵashqy óńdeý toqyma kásiporny boldy.
Búginde maqta-mata kombınaty ónimniń keń assortımentin shyǵarady. Bul-daıyn óńdelgen matalar, túkti jáne vafeldi súlgiler men aqjaımalar, tósek-oryn jıyntyǵy, barlyq standartty ólshemdegi tósek-oryn jabdyqtary, súlgiler, aqjaımalar, jastyq tystary, kórpe tystary, balalar toqymasy, sondaı-aq qatty ıirimjip (100% maqta), qatty matalar (100% maqta, tegis, túkti, vafeldi).
2015 jyly «AZALA Textile» JShS el óńirleriniń arasynda jeńil ónerkásiptiń negizgi kásiporyndarynyń biri bolyp tanyldy jáne «Kásipkerlik salasyndaǵy úzdikter» atty oblystyq konkýrsta jeńimpaz atandy. Al 2018 jyly «Úzdik ındýstrııalyq joba-2018» nomınasııasynda «Altyn Sapa» Ulttyq syılyǵyn aldy.
«AZALA Textile» JShS-niń uzaq merzimdi strategııasy básekege qabiletti ónimniń assortımentin keńeıtýge jáne joǵary sapaǵa negizdelgen. Kombınat el ishin jáne shetelderdi «Made in Kazakhstan» brendimen shyǵatyn joǵary sapaly ónimmen toltyra otyryp, toqyma naryǵynyń jańa segmentterin dáıekti túrde ıgerýde.
«AZALA» ónimderin Shymkent qalasyndaǵy saýda ortalyqtary men bazarlarda satylady. «AZALA Textile» ónimderi týraly tolyq aqparatty kelesi saıt arqyly alýǵa bolady: www.azalatextile.kz