Almaty qalasynda turǵyn úı parkınginde eki avtokólik janyp ketti, dep habarlaıdy Egemen.kz
Vıdeo áleýmettik jelige taraǵan. Oqıǵa 11 naýryz saǵat 6:30-da Brýsılovskıı kóshesindegi «Altyn bulaq» turǵyn úı keshenindegi parkıngte bolǵan.
«О́rttiń qaıdan shyǵyp jatqanyn órt sóndirýshileri televızor arqyly tapty. Eki kóliktiń janyp jatqany jáne janyndaǵy basqa avtokólikterge de qaýip tónip turǵany anyqtalǵan», deıdi TJD mamandary.
О́rt sóndirýshilerdiń aıtýynsha, jer asty parkınginde gaz-tútinnen qorǵaý bóliminiń eki jasaǵy jumys istegen. Saǵat 07:09-da 6 sharshy metr aýmaqty sharpyǵan qyzyl jalyn aýyzdyqtaldy.
«Qasynda turǵan avtokólikter órtten aman. О́rt bolǵan jerge 5 tehnıka men jeke quramnan 18 adam jumyldyryldy. Zardap shekkender joq», dedi departament mamandary.
Almaty TJD órttiń avtokólikti 2-3 mınýtta kúlge aınaldyratynyn aıtady. Sol sebepti avtokólikterdi arnaıy tehnıkalyq qaraý ortalyqtarynda ǵana elektrqurylǵymen jabdyqtaý kerektigin aıtady. Sondaı-aq kólikte órt sóndirý ballonynyń bolýy shart.