BUU Azyq-túlik júıeleri jónindegi sammıtine daıyndyq aıasynda ótken Qazaqstan, Qyrǵyzstan, Tájikstan, Túrikmenstan jáne О́zbekstan Aýyl sharýashylyǵy mınıstrligi basshylarynyń beınekonferensııasy agroónerkásip keshenine ınnovasııalar engizý máselesine arnaldy, dep habarlaıdy Egemen.kz Aýyl sharýashylyǵy mınıstrliginiń baspasóz qyzmetine silteme jasap.
Onlaın-keńesti Qyrǵyz Respýblıkasynyń Aýyl sharýashylyǵy, Sý sharýashylyǵy jáne О́ńirlerdi damytý mınıstrlikteri uıymdastyrdy. Is-sharaǵa mınıstrlerden basqa, BUU Azyq-túlik jáne aýyl sharýashylyǵy uıymynyń (FAO) bas dırektory Dýnıýı Sıýı jáne onyń orynbasary Vladımır Rahmanın, al Qazaqstannan Aýyl sharýashylyǵy mınıstriniń mindetin atqarýshy Aıdarbek Saparov qatysty.
Keńestiń maqsaty – bıylǵy qyrkúıekke josparlanǵan sammıt qarsańynda FAO-ǵa múshe memleketter arasynda dıalog ótkizý. BUU-nyń Azyq-túlik júıeleri jónindegi sammıtine uıymnyń Bas hatshysy A.Gýterrısh álemdik azyq-túlikti óndirý jáne qaıta óńdeý salasyndaǵy júıeli problemalardy jedel sheshý qajettigine baılanysty bastamashylyq etti. BUU málimetteri boıynsha, sońǵy 50 jylda agroónerkásip kesheniniń adamdarǵa tıgizetin paıdasynan zııandy áseri kóbeıip ketken.
FAO bas dırektory óz sózinde azyq-túlikke degen suranys únemi ósip kele jatqandyqtan agrohımııa, munaı hımııasy jáne elektr energııasyn paıdalaný arqyly azyq-túlik ónimderiniń ónerkásiptik óndirisi keńeıe túsetinin atap ótti. Sondyqtan atmosferaǵa shyǵarylatyn barlyq parnıktik gazdardyń tórtten bir bóligi AО́K-ne tıesili. Topyraqtyń erozııasy men tuzdanýy, bıoalýantúrliliktiń joǵalýy jáne qorshaǵan ortanyń lastanýy, ásirese Ortalyq Azııada azyq-túlik óndirisi ósiminiń artýynan bolyp otyr.
«Osyǵan baılanysty BUU Bas hatshysy FAO-ǵa múshe memleketterdi azyq-túlik júıelerin ekologııalyq, áleýmettik jáne ekonomıkalyq turǵydan ornyqty etýdiń tıimdi tásili – ınnovasııalardy engizýge shaqyrady. Sondyqtan ol qyrkúıek aıynda azyq-túlik júıeleri sammıtin ótkizý týraly sheshim qabyldady», dep túsindirdi Dýnıýı Sıýı.
О́z kezeginde, Aıdarbek Saparov Qazaqstan Úkimeti osy múmkindikti paıdalanyp, eldi óńirlik azyq-túlik habyna aınaldyrýǵa nıetti ekenin atap ótti. Sondyqtan, Qazaqstannyń Aýyl sharýashylyǵy mınıstrligi BUU-nyń aýyl sharýashylyǵy salasyn ózgertýge qatysty bastamasyn qoldaıdy.
Atap aıtqanda, qazir Qazaqstanda aldaǵy 5 jylǵa arnalǵan AО́K damytý jónindegi ulttyq joba ázirlenýde. Onyń negizgi maqsaty – salanyń biryńǵaı agrarlyq azyq-túlik júıesi retinde agronomııa, sıfrlandyrý jáne jer resýrstaryn utymdy paıdalaný arqyly aýyl sharýashylyǵynyń turaqty damýyn qamtamasyz etý.
«Ulttyq joba aıasynda basym baǵyttar – dándi jáne maıly daqyldardy, jemister men kókónisterdi, qantty, et pen sútti óndirý jáne qaıta óńdeý boıynsha 7 iri azyq-túlik ekojúıesi qurylatyn bolady. Bul ishki naryqqa ǵana emes, kórshi memleketterdiń naryǵyna da azyq-túlik jetkizý máselelerindegi jaǵdaıdy turaqtandyrýǵa yqpal etedi. Qujatty ázirleýge FAO-nyń quzyretti halyqaralyq uıymy tartyldy. Qujatta BUU-nyń turaqty damý maqsattarynda kózdelgen azyq-túlik júıelerin damytý, azyq-túlik óndirý jáne aýyl sharýashylyǵyn júrgizý qaǵıdattary men tásilderi eskeriletin bolady», dedi Aýyl sharýashylyǵy mınıstriniń mindetin atqarýshy.
Sonymen qatar ol Qazaqstan Úkimeti aqparattyq-kommýnıkasııalyq tehnologııalar sektoryn damytýǵa kúsh salyp jatqanyn habarlady. «Sıfrly Qazaqstan» memlekettik baǵdarlamasy sıfrlyq memleket qurýǵa, salalardy sıfrlandyrýǵa, adamı kapıtaldy damytýǵa jáne ınnovasııalyq ekojúıeni qurýǵa baǵyttalǵan.
«Memlekettik deńgeıde memlekettik qyzmetter avtomattandyryldy, naqty eginshilik elementteri: alqaptardyń elektrondyq kartalary, naqty meteoderekter, sensorlar men datchıkter, kosmomonıtorıng jáne basqa da sheshimder qarqyndy túrde engizilýde. Azyq-túlik júıelerinde ınnovasııalardy qoldaný kópten beri kúrdelenip kelgen máselelerdi sheshýge kómektesedi», - dedi A.Saparov.
Onyń aıtýynsha, Qazaqstan sıfrlyq júıeni engizýge jáne turaqty damýdyń mańyzdy aspektilerine qol jetkizýge yqpal etetin azyq-túlik júıeleri jónindegi sammıtti ótkizý ıdeıasyn qoldaıdy.