Almatyda koronavırýsty qaıta juqtyrǵan 17 naýqas tirkeldi. Bul týraly onlaın brıfıng barysynda Almaty qalasy sanıtarııalyq-epıdemıologııalyq baqylaý departamentiniń basshysy Jandarbek Bekshın aıtty, dep habarlaıdy Egemen.kz.
Jandarbek Bekshınniń aıtýynsha, Almatyda vırýsty qaıta juqtyrǵan 17 naýqas tirkelgen. Olar ótken jyldyń jazynda koronavırýspen aýyrǵan. Ol kezde indet sımptomsyz ótken. Bul joly ınfeksııa klınıkalyq belgimen ótip jatyr.
«О́tken jyly tórt jaǵdaı tirkelgen bolatyn. Bıyl jyl basynan beri 17 adam koronavırýsty qaıta juqtyrdy. Ony biz arnaıy baza arqyly anyqtaımyz. Iаǵnı, ekinshi ret juqtyrǵan naýqasty bazaǵa engizgen kezde ol qabyldamaıdy. Demek, ol shilde aıynda shartty túrde aýyrǵan. Ári qaraıǵy jumys óte qıyn. Bul qaıtalanǵan ınfeksııa ma, álde uzaqqa sozylǵan vırýs tasymaldaýshysy ma, osyny anyqtaý qajet», dedi J. Bekshın.