Qyzylorda oblysy Polısııa departamentiniń qyzmetkerleri Aral-Balyq ınspeksııasynyń qyzmetkerlerimen birlesip «Ýyldyryq-2021» is-sharasy kezinde zańsyz balyq aýlaýdyń taǵy da eki deregin anyqtady, dep habarlaıdy Egemen.kz Polisia.kz saıtyna silteme jasap.
Atap aıtqanda, Aral aýdany, Kókaral teńiziniń jaǵasyndaǵy tyıym salynǵan aımaqta qaıyqpen aý salý arqyly toǵyz qap 484 kg torta balyǵyn zańsyz aýlaǵany úshin jergilikti turǵyn ustaldy.
Sondaı-aq sol kúni dál osy tektes jaǵdaıda 358 kg torta balyqtaryn aýlaǵany úshin Aral aýdanynyń turǵyndary ustaldy. Aıǵaq zattar alyndy.
Eki derek boıynsha da Qazaqstan Respýblıkasy Qylmystyq kodeksiniń 335-babynyń 1-bóligimen (Zańsyz balyq aýlaý qaǵıdalaryn buzǵany úshin) sotqa deıingi tergep-tekserý jumystary bastaldy.