Senatta «Talaptary Eýrazııalyq ekonomıkalyq odaqtyń tehnıkalyq reglamentterinde belgilenbegen ónimniń Eýrazııalyq ekonomıkalyq odaq sheńberinde aınalym tártibi týraly kelisimdi jáne qaýipsizdikti qamtamasyz etý erejelerin ratıfıkasııalaý týraly» zań jobasyn talqylandy, dep habarlaıdy Egemen.kz.
Qujat EAEO naryǵynda mindetti talaptardy belgileıtin Biryńǵaı tizimge enbegen ónimderdiń, sondaı-aq Biryńǵaı tizbege engizilgen, biraq olar úshin Odaqtyń tehnıkalyq reglamentteri qabyldanbaǵan taýarlardyń aınalymyn retteýge arnalǵan. Búgingi kúni mundaı ónimder EAEO naryǵynyń shamamen 15% qurap otyr.
Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysy barysynda Senat depýtaty Lázzat Rysbekova EAEO-ǵa múshe memleketterdiń zańnamasyna sáıkes osyndaı ónimderdiń shyǵarylýy men olardyń aınalymyna jaýapkershilik belgilenetindigin aıtty.
«О́nimniń qaýipsizdigin jeke kásipker retinde tirkelgen jeke jáne zańdy tulǵalar qamtamasyz etedi. Onyń ishinde EAEO múshe-memleketteriniń zańnamasyna sáıkes ómir súrý sıkldarynyń barlyq satysynda ónimdi shyǵaryp, satatyn óndirýshiler, satýshylar jáne ımporttaýshylar da bar», dedi senator Lázzat Rysbekova.
Ekonomıkalyq saıasat, ınnovasııalyq damý jáne kásipkerlik komıteti zań jobasyn palataǵa usyndy.