Búgin Qaraǵandyda temirjol vokzaly qorshaýǵa alyndy, dep habarlaıdy Egemen.kz Kóliktegi PD baspasóz qyzmetine silteme jasap.
«14 sáýirde saǵat 14.15 ýaqytynda Qaraǵandy-Sortırovochnaıa stansasynyń jelilik polısııa bólimine vokzalǵa kire beristen qaraýsyz jatqan qorap tabylǵany týraly habarlama kelip tústi. Budan soń, jelilik polısııa qyzmetkerleri temirjol stansııasynyń irgeles aýmaǵyn qorshaýǵa aldy», delingen habarlamada.
Baspasóz qyzmetiniń málimetine sáıkes, ǵımarattan 60 adam evakýasııalanǵan.
«Mamandar qorapty tekserdi. Onda qaýipti jáne tyıym salynǵan zattar tabylǵan joq. Qazir temirjol vokzaly shtattyq rejımde jumys istep jatyr. Qorap ıesi tabylǵan joq. Tekserý jumystary áli de jalǵasýda», dedi Kóliktegi PD baspasóz qyzmetindegiler.