Qyzylorda oblysy boıynsha QAJ departamentine qarasty ZK-169/5 mekemesinde Qylmystyq kodekstiń 297-baby 3-bóligimen jazasyn ótep jatqan azamatqa joldanǵan sálem-saýqattyń ishinen esirtki tektes zat anyqtaldy. Mekeme qyzmetkerlerinen aılasn asyrmaq bolǵan sáldemdeme joldaýshy ony kádimgi qurttyń ishine orap salǵan.
Jedel túrde 102 nómirine habarlanyp, mekemege Qyzylorda qalalyq Polısııa basqarmasynyń jedel-tergeý toby shaqyrtyldy.
Tárkilengen zat boıynsha sot saraptama jumystary taǵaıyndalyp, qorytyndysynda kúmándi zattyń salmaǵy 3,2 gramm bolatyn keptirilgen marıhýana ekeni dáleldendi. Atalǵan derek boıynsha Qazaqstan Respýblıkasy QK-niń 297-babynyń 3-bóligimen sotqa deıingi tergep-tekserý jumystary júrgizilýde.