Ýyldyryq shashý kezinde zańsyz balyq aýlaýǵa jol bermeý úshin Shyǵys Qazaqstanda 16 sáýirden bastap «Nerest-2021» jedel-aldyn alý is-sharasy bastaldy, dep habarlaıdy Egemen.kz.
Is-sharanyń negizgi maqsaty – zańsyz balyq aýlap júrgen qaskóılerdiń jolyn kesý ǵana emes, sondaı-aq buryn jasalǵan ekologııalyq qylmystardy ashýdy da kózdeıdi. Bıyldyń úsh aıynda tabıǵatty qorǵaý polıseıleri balyq resýrstaryn saqtaý maqsatynda 320 reıdtik ótkizse, onyń 239-da ekologııalyq quqyq buzýshylyq anyqtalǵan.
Nátıjesinde 10 fakti boıynsha sotqa deıingi tergeý júrgizilip, 229-y ákimshilik jaýapkershilikke tartyldy. Jyl basynan beri zańsyz aýlanǵan 6 myń keli balyq tárkilenip, memleketke 3 mln teńgeden astam shyǵyn keltirilgeni anyqtaldy. Al sońǵy tórt kún ishinde oblysta 66 quqyq buzýshylyq tirkeldi. Zańsyz balyq aýlaǵan 64 balyqshyǵa jalpy somasy 1 mln. 044 551 teńge ákimshilik aıyppuly salyndy.
Aıta keterligi, 18 sáýirde «Omby-Maıqapshaǵaı» tas jolynyń 914 shaqyrymynda patrýldik polısııa rotasynyń ınspektorlary patrýldeý kezinde «Chevrolet» markaly avtokóligi toqtatqan. Avtokólikti tekserý kezinde tıisti ruqsat qujattary joq 6 qap shortan balyǵy tabylǵan. Jalpy shyǵyn 198 000 teńgeni qurady. Bul fakti boıynsha Semeı qalasynyń 54 jastaǵy turǵynyna qatysty QR ÁQBtK-niń 339-baby jáne 389-baby 3-bóligi boıynsha ákimshilik hattama toltyryldy. Al «Nerest-2021» jedel aldyn alý sharasy Shyǵys Qazaqstan oblysynyń aýmaǵynda 30 mamyrǵa deıin jalǵasady.