Bilim jáne ǵylym mnıstriniń buıryǵymen dıssertasııalyq keńes pen dıssertasııa qorǵaý erejelerine ózgerister engizildi, dep habarlaıdy Egemen.kz mınıstrliktiń baspasóz qyzmetine silteme jasap.
Vedomstvonyń apparat jıynynda Bilim jáne ǵylym salasyndaǵy baqylaý komıtetiniń tóraıymy Gúlzat Kóbenova osyndaı dedi.
«Ǵylymı kadrlardy daıarlaý jáne PhD dárejesin berý ózekti máselelerdiń biri. Sarapshylardyń pikirinshe, PhD-doktorantýra baǵdarlamasy 10 jyldan astam ýaqyttan beri júzege asyrylyp kele jatqanyna qaramastan, qorǵaý mehanızmi kandıdattyq dıssertasııalardy qorǵaý formatynda qalyp qoıǵan», dedi Gúlzat Kóbenova.
Maman joǵary oqý oryndarynyń janynan qurylǵan dıssertasııalyq keńester óz jumysynda formaldylyqqa jıi baratynyn aıtady.
«Dıssertasııalyq keńesterdiń qyzmetin taldaý nátıjesinde birqatar problema anyqtaldy. Onyń ishinde qorǵaý jáne resenzııalaý rásimderiniń formaldy túrde ótýi, dıssertasııalyq keńes jaýapkershiliginiń tómendeýi sııaqty máseleler bar. Dıssertasııanyń mazmuny boıynsha mańyzdy eskertýler bolsa da, PhD dárejesi berilip otyr. Sarapshylarmen birneshe ret talqylap, halyqaralyq tájirıbeni eskere otyryp, dıssertasııalyq keńes pen dıssertasııany qorǵaý erejelerine ózgerister engizildi», dedi Gúlzat Kóbenova.