Qar kóshkininiń júrý qaýpine baılanysty almatylyqtarǵa taý bókterlerine shyǵýǵa tyıym salynady, dep habarlaıdy Egemen.kz Tótenshe jaǵdaılar departamentiniń baspasóz qyzmetine silteme jasap.
Departament taratqan málimetterge qaraǵanda, Kúnniń jylynýynyń, jaýyn-shashynnyń jáne qar jamylǵysynyń turaqsyzdyǵy men bıiktiginiń joǵary bolýyna baılanysty Úlken jáne Kishi Almaty sý alabtarynda 21-22 sáýir kúnderi qar kóshkini bolý qaýpi saqtalady.
«Kóshkin júrý qaýpi múmkin bolýyna baılanysty, qarly tik jartastarǵa shyǵýǵa bolmaıdy.Taýda abaı bolyńyzdar», delingen vedomstvonyń habarlamasynda.