Onlaın ótken baspasóz jıynynda Pavlodar oblysynyń sanıtarlyq-epıdemııalyq baqylaý departamenti basshysynyń orynbasary Zámzágúl Dosjanova málim etti, dep habarlaıdy Egemen.kz
«Oblysymyzda KVI juqtyrýshylar qarqyny ósip barady. О́tken aptada 308 jaǵdaı tirkelse, osy sońǵy aptada 394 jaǵdaı anyqtaldy. 26 sáýir, ıaǵnı búginnen bastap oblysymyz «qyzyl aımaqqa» endi. Oblys ishinde Pavlodar qalasy, Pavlodar jáne Maı aýdandary «qyzyl aımaqta». Baıanaýyl aýdany ǵana «jasyl aımaqta», dedi Zámzágúl Dosjanova.
Zámzágúl Dosjanova oblystaǵy epıdemıologııalyq jaǵdaı 5 kún boıy baqylanatynyn aıtty. 5 kún ishinde jaǵdaı ýshyqsa, karantındik shekteý sharalary kúsheıtiletin bolady.
«Jaǵdaı ýshyqsa, karantın talaptary qalaı kúsheıtiletinin daıyndap qoıdyq. Áleýmettik uıymdar jabyq túrde jumys isteıdi. Tamaqtaný oryndary saǵat 9-20:00 aralyǵynda, 30 adamnan asyrmaı jumys jasaıdy. Pavlodar-Aqsý baǵytynan basqa, aýdan aralyq jolaýshylar tasymaly toqtatylady. Demalys kúnderi monsha, saýnalar jumys jasamaıdy. Jabyq emes bazarlar jeksenbi kúnderi, jabyq bazarlar senbi, jeksenbi kúnderi jabylady. Keńselerde ujymnyń 80 paıyzy qashyqtyqtan jumys jasaýǵa kóshedi», dedi Zámzágúl Dosjanova.
Sonymen qatar karantın kúsheıtilse, azyq-túlik dúkenderi saǵat 20:00-ge deıin isteıdi. Al teatr, kınoteatrlar jumystary toqtaıdy.Spıkerdiń aıtýynsha, oqýshylar arasynda da KVI juqtyrýshylar sany ósken. Jyl basynan beri oqýshylar arasynda 1573 adam KVI juqtyrǵan.
«Olardyń ishinde 428 oqýshy mektepterge baryp oqyǵan bolsa, 1145 oqýshy qashyqtyqtan bilim alǵan. Tek sáýir aıynda 101 oqýshydan KVI anyqtaldy. Al, jyl basynan beri 259 mektep jasyna deıingi balalar arasynda KVI tirkeldi. Oqýshylar sanynyń ósýi mektepterde áleýmettik qashyqtyqtyń, betperde taǵý rejımin saqtamaýdan bolýy múmkin», dedi Zámzágúl Dosjanova.
Aıta keteıik, Pavlodar oblysynda osy ýaqytqa deıin 20225 adamnan KVI anyqtalǵan. О́tken táýlikte 75 adam koronavırýs juqtyrǵan.