SQO-da tirkelmegen 23 qarýdy ıeleri polısııaǵa tapsyryp, syıaqy aldy. Tapsyrylǵan qarýlar aldymen qylmys jasaýǵa qoldanbaǵandyǵyn rastaıtyn qajetti saraptamalardan ótedi, dep habarlaıdy Egemen.kz
Eger qarý qylmys jasaýǵa qatystylyǵy bolmasa onyń qaıdan alynǵanyn ıeleri aıtýy mindetti emes. Saraptamadan soń syıaqynyń mólsheri belgilenetin bolady.
Qarýlar adamdardyń qolyna túrli joldarmen túsken. Sonyń ishinde taýyp aldyq degender kóp bolǵan. Keıbir adamdar úılerindegi eski qora-qopsyny buzǵan kezde taýyp aldym degen. Úsh adamdyki qaıtys bolǵan ata-analarynan qalǵan. Mysaly, M.Jumabaev aýdanynyń ortalyǵy Býlaev selosynyń turǵyny 1995 jyl ákesi qaıtys bolǵan soń «BM-16» qosaýyzdy qarýyn ákesiniń kózi retinde saqtaǵan. Al Taıynsha aýdanynyń turǵyny 16 kalıbrli «IJ» markaly 2 qarýdy Polshaǵa turaqty turýǵa ketken dosy qaldyryp ketkenin aıtqan.
Aksııa aıasynda soltústikqazaqstandyqtar barlyǵy 5 birlik travmatıkalyq qarý, 16 tegis uńǵyly qarý men kalıbri 5,6 mm. «TOZ» markaly 2 oıyq usaq kalıbrli vıntovka tapsyrǵan.