Qyzylorda oblysynda áleýmettik kómekti qajet etetin azamattardyń biryńǵaı júıesi quryldy, dep habarlaıdy Egemen.kz
«Baqytty otbasy» ortalyǵy janynan jasaqtalǵan bazaǵa sáıkes, kórsetiletin qaıyrymdylyq sharalary júıege keltirildi. Osyǵan deıin bir turǵyn birneshe qaıyrymdylyq qorlardan kómek alsa, endigi rette barlyǵy óz kezegine saı júrgiziledi. Bul týraly oblystyq volonterlar front ofısiniń jetekshisi Bolatbek Aıtbenbetov óńirlik kommýnıkasııalar qyzmetinde ótken onlaın brıfıngte málimdedi.
«О́ńirde naýryz aıynan bastap «Qaıyrymdy ister» marafony bastaldy. Atalǵan aksııa barysynda aımaqtaǵy myńdaǵan turǵynǵa jerigilikti jomart jandar tarapynan qoldaý kórsetildi. Atap aıtsaq, «Zeket» qaıyrymdylyq qory, meshit ımamdary men jamaǵat birlese otyryp aımaqtaǵy az qamtylǵan 2000 otbasyna, «Halyq» qaıyrymdylyq qory qala aýmaǵyndaǵy 1000 otbasyna, «El-Araı» qoǵamdyq qory 50 otbasyna azyq túlik úlestirdi. Aımaq basshysynyń bastamasymen oblystyq jastar resýrstyq ortalyǵynyń, meshit qyzmetkerleri men volonterlar front ofısiniń eriktileriniń qatysýymen 5 myńǵa jýyq «aýyzashar sebeti» taratyldy», dedi Bolatbek Aıtbenbetov.