Almaty oblysynyń Eńbekshiqazaq aýdanynda adamnyń súıekteri tabyldy, dep habarlaıdy Egemen.kz
Atalǵan oqıǵa jaıly vıdeo áleýmettik jelide tarap ketti. Osyǵan oraı Eńbekshiqazaq aýdany ákiminiń baspasóz qyzmeti oqıǵanyń mán-jaıyn túsindirdi.
«Súıekter Esik qalasynyń janynda ornalasqan Bólek aýyldyq okrýginen tabyldy. Bul jer «Romashka» dep atalatyn saıajaı. Ol súıekter ashyq-shashyq shashylyp jatqan joq. Jerdi qazý barysynda shyqqan. Dál osy jerde sý qubyryn júrgizý jumysy júrgizilip jatyr. Súıekti tapqan da – sol mekemeniń jumysshylary. Qazir «Altyn adam» murajaıynyń arhıologteri oqıǵa ornyna keldi. Súıekterdi jınap, saraptamaǵa jiberedi», dep málim etti vedomstvo ókili.