Memleket basshysy Qasym-Jomart Toqaev Aýǵanstan Prezıdenti Ashraf Ǵanıǵa kóńil aıtý jedelhatyn joldady, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev Logar provınsııasynyń Pýlı-Alam qalasynda jáne el astanasy Kabýlda bolǵan terrorıstik shabýyldardyń saldarynan kóptegen adamnyń, ásirese, beıkúná balalardyń qaza tapqany týraly aqparatty zor kúızelispen qabyl aldy.
– Sizdiń elińizdiń jáne búkil halyqaralyq qaýymdastyqtyń osy jantúrshigerlik qylmysty batyl aıyptaýyna qosylamyn. Qazaqstan osyndaı qıyn-qystaý sátte aýǵan halqymen birge ekenin rastaıdy. Qazaqstan halqynyń jáne jeke óz atymnan qaza tapqandardyń otbasylaryna qaıǵysyna ortaqtasyp kóńil aıtamyn. Sondaı-aq jaraqat alǵan azamattardyń tezirek saýyǵyp ketýine tilektespin, – delingen jedelhatta.