Almatyda Shyǵys Qazaqstan oblysynan kelgen páter urylarynyń toby ustaldy, dep habarlaıdy Egemen.kz Polisia.kz saıtyna silteme jasap.
Qala aýmaǵynda qylmystyq kásippen aınalysýǵa kelgen 25 jáne 32 jastaǵy eki er adam ustaldy.
«Buryn menshikke qarsy qylmys jasaǵany úshin sottalǵan eki azamat ta qalanyń joǵarǵy bóliginde páter urlyǵymen aınalysqan. Olar juptasyp, úılesimdi jáne baıqatpaı áreket etken. Páterlerdiń esikterin kilt tańdaý arqyly ashyp, tek qundy zattardy urlaǵan. Jedel-izdestirý sharalary barysynda kúdiktiler K. jáne A. esimdi azamattar bizdiń bólimniń qyzmetkerlerimen jáne Bostandyq aýdandyq PB áriptesteriniń kómegimen ustaldy.
Qazirgi ýaqytta ustalǵandar PD ÝUI-na qamaldy. Olarǵa QR QK-niń 188-baby 3-bóligi boıynsha aıyp taǵyldy. Olardyń basqa da osyǵan uqsas qylmystarǵa qatystylyǵy tekserilýde. Tergeý sharalary júrgizilip jatyr», dedi Almaty qalalyq PD Krımınaldyq polısııa basqarmasy bastyǵynyń orynbasary Rýslan Smaǵulov.