Amerıkanyń qazirgi jáne otstavkadaǵy qarýly kúshteri Aq úı basshysy Djo Baıdenniń densaýlyǵynda kinárat bar dep aıyp taqqan 124 generaldyń ashyq hatyn synǵa aldy, dep habarlaıdy Egemen.kz RIA NOVOSTI-ge silteme jasap.
124 generaldyń ashyq hatynda olar AQSh prezıdentiniń psıhıkalyq jáne fızıkalyq jaǵdaıyna kúmán keltirgen.
Otstavkadaǵy polkovnık Djeffrı Makkoslandtyń aıtýynsha, bul aıyptaýlar prezıdent saılaýynyń nátıjelerin qaıta qaraýǵa ákep soǵýy múmkin. Sondyqtan mundaı «antıdemokratııalyq naýqanǵa» qatysý tym qaýipti ekenin jetkizdi. Ol, sondaı-aq, bılik ókilderiniń kezekti áreketi «álemdegi demokratııalyq elderdiń biri – AQSh» degen pikirge keraǵar keledi dep sanaıdy.
Polkovnık The Huffing Post gazetine bergen suhbatynda ishinara bolyp jatqan áskerı-azamattyq qaqtyǵystar el demokratııasyna aıtarlyqtaı qaýip tóndiretinin basa aıtty. Al burynǵy teńiz barlaýshysy Aleks Mak Koı da polkovnıktiń pikirine qoldaý bildirip, otstavkadaǵy generaldardyń sheshimine ýájin aıtty.
«Tarıh betterinde olardyń erlikpen kúreskenin bilemiz. Alaıda bul áreketteri – soraqylyq. Bul – konstıtýsııa zańdaryn syılamaý, elińdi satý», deıdi teńiz barlaýshysy.
Osy oraıda, Joǵarǵy Sot pen FBR ókilderi byltyr ótken prezıdenttik saılaý kezinde burynǵy prezıdent Donald Tramptyń saılaý nátıjesine qarsylyq tanytqany týraly sózderimen sáıkesetinin alǵa tartady.
Eske sala keteıik, byltyr 3 qarashada AQSh-ta kezekti prezıdent saılaýy ótti. Al 7 qańtarda AQSh Kongresi demokrat Djo Baıdenniń jeńisin maquldap, ol 46-shy memleket basshysy boldy.