Qaıyrymdylyq – musylman balasynyń eń basty paryzynyń biri bolyp sanalatyndyǵy anyq.
Ramazan aıynyń sońǵy kúni, ıaǵnı mamyrdyń 12-si Aǵashoryn aýyldyq okrýginiń ımamy Amantaı qajy Kákimovtyń jáne aýyldaǵy qaltaly azamattardyń muryndyq bolýymen Aǵashoryn jáne Uzynsý aýylyndaǵy kópbalaly, sonymen qatar turmys deńgeıi tómen otbasylaryna arnalǵan qaıyrymdylyq is-sharasy ótti.
Shara basynda Amantaı qajy turǵyndardy Ramazan aıymen jáne kelip jetken Oraza aıt merekesimen quttyqtap, 26 otbasyna azyq-túlik salynǵan qorjyndardy tartý etti. Odan ári kóp balaly otbasylar kıim-keshek túrlerine de ıe boldy.
Aýyl turǵyndary osyndaı qaırymdylyq is-sharasyn ótkizgen aýyl ımamyna rızashylyqtaryn bildirip, kómek qolyn aıamaǵan aýyldyń atqa miner el azamattaryna da zor yqylasyn jetkizdi.
Aqylbek Qyzkenov