Búgin fýtboldan Premer-lıga komandalary arasyndaǵy el birinshiligi on birinshi týrynyń alǵashqy oıyn kúni aıaqtaldy, dep habarlaıdy Egemen.kz.
Búginge belgilengen kezdesýler elordalyq «Astana» men Taldyqorǵannyń «Jetisý» jubynyń oıynymen máresine jetti. Týrnır kestesinde alǵashqy jáne sońǵy orynda turǵan komandalar kezdesýin jankúıerler asyǵa kútkeni anyq.
Oıyn taǵdyryn jalǵyz gol sheshti. Ony 4-mınýtta elordalyq fýtbolshy Marın Tomasov óziniń enshisine jazdy. Budan keıin esepti ózgertetin birneshe múmkindik bolǵan edi. Oıyn sońyna deıin tablodaǵy esep ózgergen joq. Osylaısha «Astana» qarsylasyn 1:0 esebimen tize búktirdi. Elordalyq klýb qatarynan segizinshi márte jeńiske jetip otyr.
Búgingi jeńisten keıin «Astana» 29 upaı jınap, birinshi orynda tur. Odan keıingi oryndaǵy «Tobyldyń» 21, «Aqjaıyqtyń» 18 upaıy bar.