2021 jyldyń I toqsanynda kásiporyndarǵa júrgizilgen monıtorıng nátıjeleri týraly QR Ulttyq banki Aqsha-kredıt departamentiniń dırektory Jandos Shaımardanov túsinik berdi, dep habarlaıdy Egemen.kz.
«Kásiporyndarǵa júrgizilgen monıtorıng nátıjelerine súıensek, naqty sektorda ekonomıkalyq belsendiliktiń qalpyna kele bastaǵanyn baıqaýǵa bolady. Oǵan daıyn ónimge degen suranystyń artýy, tabysty saýda, ınvestısııalyq belsendiliktiń birshama ósýi, sondaı-aq aıyrbas baǵamynyń keri áseriniń tómendeýi túrtki boldy. 2021 jyldyń I toqsanynda naqty sektorda daıyn ónimge suranys aıtarlyqtaı óskenin kórdik, dıffýzııa ındeksi (DI) 49,3-ten 55,4-ke deıin ósti. Qyzmet kórsetý salasynda ındeks 53,8-ge, taýar óndirisinde 56,8-ge deıin kóterildi», dedi ol.
О́ndiris kólemi azaıdy, DI 49,4-ten 40,5-ke deıin tómendedi. 2021 jyldyń II toqsanynda naqty sektordaǵy kásiporyndar óndiris kóleminiń maýsymdyq ulǵaıýyn kútip otyr (DI=54,8).
«Sonymen, 2020 jylǵy toqyraýdan keıin ekonomıkalyq belsendiliktiń qalpyna kelýine baılanysty kásiporyndardyń daıyn ónimine jáne qyzmetine degen suranys ósip, óndiris kóleminen artyp otyr, bul óz kezeginde ónim baǵasynyń ósýine yqpal etýde (DI 56,4 qurady). 2021 jyldyń I toqsanynda suralǵan kásiporyndardyń 16,9%-y nesıe alý úshin bankke júgindi, kásiporyndardyń 16,1%-y nesıe aldy (nemese nesıe alýǵa ótinim bergender sanynyń 95,3%-y). Kásiporyndardyń basym kópshiligi (81,7%) nesıeni aınalymdaǵy aqshalaryn (materıaldar, shıkizat, jartylaı fabrıkattar jáne t.b. satyp alý) qarjylandyrýǵa tartty», deıdi maman.
2021 jyldyń I toqsanynda júrizilgen saýalnama kezinde kásiporyndardyń 33,9%-y Qazaqstan ekonomıkasynyń búgingi ahýaly bıznes júrgizýge kedergi bolǵanyn aıtty. Bıznes júrgizýdegi basqa da negizgi kedergilerdi atasaq, olar – naryqtyq básekelestik (29,7%), satyp alýshylardy izdeý (23,3%), salyq aýyrtpalyǵynyń deńgeıi (23,2%), bilikti kadrlardyń jetispeýshiligi (17,2%).
Naqty sektordaǵy kásiporyndarda júrgizilgen saýalnamalardyń jıyntyq baǵasyn bildiretin kompozıttik ozyńqy ındıkatordyń (KOI) serpini – naqty sektorda ekonomıkalyq belsendiliktiń qalpyna kele bastaǵanyn kórsetedi, sóıtip KOI 100,0-ge deıin kóterildi. 2021 jyldyń II toqsanynda ekonomıkalyq belsendilik ósedi degen boljam bar (KOI ósý jaǵyna aýysyp, 100,4 qurady).