Nur-Sultan qalasynda jol apatynda kólik aýdaryldy, dep habarlaıdy Egemen.kz elorda PD baspasóz qyzmetine silteme jasap.
Apat 15 mamyrda tańǵy saǵat 06.41-de boldy. Subaru Forester avtokóliginiń 33 jastaǵy júrgizýshisi Sátbaev kóshesiniń boıymen Qajymuqan kóshesiniń qıylysynda baǵdarshamnyń tyıym salatyn belgisine júrip ketip, Lada markaly avtokóligine soqtyǵysty. Subaru Forester aýdaryldy.
Jol-kólik oqıǵasy saldarynan Lada júrgizýshisi aýrýhanaǵa jetkizilip, tekserýden keıin jiberildi. Qazir tergeý júrip jatyr.