Qyzylordada jasóspirimdi qaǵyp, oqıǵa ornynan qashyp ketken júrgizýshi ustaldy, dep habarlaıdy Egemen.kz IIM silteme jasap.
Bıyl 17 mamyrda Qyzylorda qalasynyń ortalyq kósheleriniń birinde velosıpedpen kele jatqan jasóspirimdi belgisiz avtokóliktiń qaqqandyǵy týraly polısııaǵa habarlama túsken.
Tártip saqshylary jaqyn mańdaǵy ǵımarattar men úılerdegi beınekamera jazbalaryn qarap, oqıǵa ornynan surastyrý jumystaryn júrgizdi. Polıseılermen júrgizilgen keshendi izdestirý sharalarynyń nátıjesinde eki saǵat ishinde kúdikti avtokólik anyqtaldy.
Kólik tizgindegen jergilikti turǵynǵa qatysty QR Ákimshilik quqyq buzýshylyq týraly kodeksiniń 610-babynyń 2-bóligimen (Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy) jáne 611-babynyń 2-bóligimen (Júrgizýshiniń jol júrisi qaǵıdalaryn buzyp, ózi qatysýshy bolyp tabylǵan jol-kólik oqıǵasy bolǵan jerden ketip qalýy) ákimshilik quqyq buzýshylyq týraly hattamalar toltyryldy. Jasóspirimge medısınalyq kómek kórsetildi, onyń ómiri men densaýlyǵyna qaýip joq.
Aıta ketý kerek, qoǵamdyq tártipti saqtaý jáne jol qaýipsizdigin qamtamasyz etý, qylmystyń aldyn alý jáne jolyn kesý maqsatynda Qyzylorda oblysy aýmaǵynda «Qaýipsiz jol» jedel aldyn alý is-sharasy ótkizilýde.