Premer-Mınıstr Shyǵys Qazaqstan oblysyna jumys sapary aıasynda Rıdder qalasyna bardy, dep habarlaıdy Egemen.kz.
Úkimet basshysy bıyl 10 mamyrda órt saldarynan zardap shekken qala turǵyndarymen kezdesý ótkizip, olarǵa arnalǵan turǵyn úı qurylysy jumystarynyń barysyn tekserdi.
«Memleket basshysy Qasym-Jomart Toqaevtyń tapsyrmasy boıynsha Rıdder qalasynda bolǵan órtten zardap shekken barlyq otbasylar jaqyn arada jańa turǵyn úımen qamtamasyz etiledi. Úkimet pen Shyǵys Qazaqstan oblysynyń ákimdigi Memleket basshysynyń tapsyrmalaryn júzege asyrý úshin barlyq qajetti sharalardy qabyldady», dedi A. Mamın.
О́rtten zardap shekken otbasylarǵa arnalǵan 30 jańa turǵyn úıdiń qurylysy tótenshe jaǵdaılar saldaryn joıý úshin qarastyrylǵan Úkimet rezerviniń qarajaty esebinen jańa «Botanıka úshinshi turǵyn úı aýdanynda» júrgizilýde. Ár úıdiń aýdany – 80 sharshy metr, al úı mańyndaǵy jeke ýchaske kólemi – 10 sotyq.
Rıdder qalasynda bolǵan órt saldaryn joıý úshin 557,5 mln teńge bólindi. Qurylys jumystaryn «OblShyǵysJol», «VK Invest Company», «QK Sunqar», «Vostokvzryvprom», «KazprofstroyHolding» kompanııalary júrgizýde.
Úılerdiń qurylysyn bıylǵy 15 tamyzǵa qaraı aıaqtaý josparlanǵan. Jańa shaǵyn aýdanda barlyqqajetti ınjenerlik-kommýnıkasııalyq ınfraqurylym salynady.
Jumys saparyna Shyǵys Qazaqstan oblysynyń ákimi Danıal Ahmetov, ındýstrııa jáne ınfraqurylymdyq damý mınıstri Beıbit Atamqulov, qarjy mınıstri Erulan Jamaýbaev, tótenshe jaǵdaılar mınıstri Iýrıı Ilın qatysty.