Atyraý qalasynyń turǵyny «sýǵa sekiremin, ólemin» dep, polısııaǵa jalǵan habar bergen, dep habarlaıdy Egemen.kz.
Oblystyq polısııa departamenti baspasóz qyzmetiniń aqparatyna súıensek, jyl basynan beri polısııaǵa 18 jalǵan habar berilgen. Sondaı jalǵan habar berýshiniń biri «102» operatoryna 22 mamyrda saǵat 12:30 shamasynda telefon soqqan.
«Ol erteń sýǵa sekirip, ólemin dep habar bergen. Aryzdanýshynyń bul habary polısııa qyzmetkerleriniń alańdatýshylyǵyn týǵyzdy. Osyǵan baılanysty polısııa qyzmetkerleri jedel tekserý júrgizdi. Nátıjesinde polısııaǵa jalǵan habar bergen Atyraý qalasynyń turǵyny anyqtaldy. Ol qaljyń úshin polısııaǵa orta dárejeli masań kúıde telefonynan qońyraý shalǵanyn moıyndady», dep habarlady departamenttiń baspasóz qyzmeti.
Atalǵan azamatqa qatysty QR Ákimshilik quqyqbuzýshylyq týraly Kodeksiniń 438-babynyń 1-bóligimen (Memlekettik órtke qarsy qyzmet organdaryn, polısııany, medısınalyq jedel járdemdi, avarııalyq qyzmetterdi kórineý jalǵan shaqyrý) ákimshilik hattama toltyrylyp, 30 aılyq eseptik kórsetkish kóleminde aıyppul salyndy.