«Tarzan: Shytyrman oqıǵa» telehıkaıasynda Tarzan rólin oınaǵan amerıkandyq akter Djozef Lara Tennessıdegi ushaq apaty kezinde qaıtys boldy, dep habarlaıdy Egemen.kz jergilikti Tennessean gazeti taratqan aqparatqa silteme jasap.
Jeksenbide Neshvıll qalasynyń mańyndaǵy kólge Cessna c501 ushaǵy qulap, jeti adam qaıtys bolǵan.
Qaza tapqandardyń arasynda Djozef Lara ǵana emes, áıeli Gven de bar.
Federaldy azamattyq avıasııa basqarmasy (FAA) borttaǵy adamdardyń eshbirinde ushaqty basqarý quqyǵy bolmaǵanyn málimdedi. Akter buryn ushqysh lısenzııasyn alǵan, biraq 2017 jyldan bastap jańa medısınalyq málimetterdi usynbaǵan.
Aıta keteıik, Lara negizinen 1990-shy jyldardaǵy ártúrli telehıkaıalarda, sonyń ishinde «Malıbý qutqarýshylary» men «Konanda» oınady.