Tárbıe basy – otbasy

Jaqynda Halyqaralyq bal­alardy qorǵaý kúni qar­sańynda Prezıdent janyn­daǵy Qazaqstannyń strate­gııalyq zertteýler ınstı­týty otbasy jáne balalar má­se­lesine qatysty júrgiz­gen áleý­mettik saýaldamasy­nyń qory­tysyndysyn ja­rııa etti. Respýblıka kólemin­de júrgizilgen bul zertteýge 18 jáne odan joǵary jastaǵy 6 800 qazaqstandyq qatys­­qan. Olardyń 82,3%-y – otba­syly adam, ıaǵnı jubaıy­men birge turady nemese bu­ryn turǵandar. Al úılenbegen, boıdaq respondentterdiń úlesi 17,7%-dy qurady.

Saýaldamaǵa qatys­qan­dar­dyń 76,6%-y ata-analar eken. Bul rette olardyń 58,7%-yn­­da kámeletke tolmaǵan bala­lary bar, al 17,9%-ynyń ba­la­lary kámeletke tol­ǵan. Res­­­­pondentterdiń 12,8%-ynyń tórt jáne odan da kóp ba­la­­sy bar, ıaǵnı kópbalaly ot­basylar.

Saýaldama barysynda azamattarǵa «Siz ómirde ba­qy­tty otbasyn quryp, jaq­sy balalardy tárbıeleı aldy­ńyz ba?» degen suraq qoıyl­ǵan. Respondentterdiń basym kópshiligi bul suraqqa oń jaýap beripti. Sonymen qa­tar qa­tysý­shylardyń 67,7%-y baqytty otbasyn quryp úlgergen jáne respon­dentterdiń 24,1%-y baqytty otbasy qura alatynyna senimdi.

Al balanyń tárbıesine qatysty kózqarasqa kelsek, res­pon­dentterdiń 61%-y bala­­­laryn jaqsy tárbıelep otyr­­myz degen pikir bildirgen. Ta­ǵy 31,7%-y óz balalaryn jaqsy tárbıeleı alatynyna senimdi.

Jalpy, bala tárbıeleýde aqyl aıtqanmen qatar, isiń­men de úlgi kórsetý mańyz­dy. Osy oraıda balasy­­­nyń úlgerimine kelgende mu­ǵali­mine únemi min taǵatyn ata-analardyń da jıi kezdesetini belgili. Alaıda sol ata-analardyń kóbi úıin­de kitap oqı bermeıdi. Atal­ǵan ınstıtýt osy máselege qatysty da áleýmettik saýaldama júrgizip, nekede turǵan árbir ekinshi azamattyń kitap oqymaıtynyn kórsetipti. Úılengen respondentterdiń tek 5%-y ǵana kún saıyn kitap oqıdy eken.

Sondaı-aq kishkentaı jáne eresek balalary bar, esh­qashan kitap oqy­maıtyn respondentterdiń úlesi óte joǵary eken. Atap aıt­qanda, ot­ba­sy­larynda tórt jáne odan kóp balasy barlar­dyń – 43,7%-y, bir balasy barlardyń 53,7%-y, al ká­me­­letke tolǵan balalary bar respon­dentterdiń 56,3%-y kitap oqymaıdy.