Qyzylorda oblysy PD Esirtki qylmysyna qarsy is-qımyl basqarmasynyń qyzmetkerleri «Qarasora-2021» jedel profılaktıkalyq is-sharasy barysynda Qyzylorda qalasy turǵynynyń óz aýlasynda sora ekkendigin anyqtady, dep habarlaıdy Egemen.kz.
Tekserý kezinde 21 túp shópke sot-saraptamasy taǵaıyndalyp, onyń qorytyndysy polıseıler kúdigin rastaı tústi.
Bul derek boıynsha Qazaqstan Respýblıkasynyń Qylmystyq kodeksiniń 300-babynyń 2-bóligimen (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) sotqa deıingi tergep-tekserý amaldary júrgizilýde. Oqıǵanyń mán-jaıy anyqtalýda.