Ońtústik Afrıkanyń Gaýteng provınsııasynyń turǵyny 37 jastaǵy Gosıame Tamara Sıtol birden 10 balany dúnıege ákelip, álemdik rekord jańartty, dep habarlaıdy Egemen.kz.
Júktiliktiń erte kezeńinde dárigerler ÝDZ-de alty balany kórgen. Biraz ýaqyttan keıin kelesi ýltradybystyq zertteýden soń olar qursaqta segiz náreste bar ekenin habarlaıdy.
Alaıda 7 aı 7 kúnde Tamara Sıtol on balany dúnıege ákeldi – jeti ul jáne úsh qyz. Mundaıǵa akýsherler de, ata-ananyń ózi de tańǵalǵan.
Dárigerlerdiń aıtýynsha, sábıler aldaǵy aılardy ınkýbatorda ótkizedi.
Budan bólek erli-zaıyptynyń alty jasar egizi bar ekeni habarlandy.
Eske sala keteıik, bir ýaqytta dúnıege kelgen balalar sany boıynsha aldyńǵy rekord Malı turǵynyna tıesili edi. Ol birden 9 bala bosanǵan.